AZE | ENG
e-Aqrolizinq Güzəşt üçün ərizə vermək
Naviqasiya Menyusu


KƏND TƏSƏRRÜFATI NAZİRLİYİNDƏ YENİ QƏBUL EDİLƏN DÖVLƏT PROQRAMININ İCRASINA HƏSR OLUNMUŞ MÜŞAVİRƏ KEÇİRİLİB

Kənd Təsərrüfatı Nazirliyində “2019-2023-cü illərdə regionların sosial-iqtisadi inkişafı” Dövlət Proqramından irəli gələn vəzifələrin icrasına həsr olunmuş müşavirə keçirilib. Tədbirdə Nazirliyin Mərkəzi Aparatının nümayəndələri, tabeli qurumların, elmi-tədqiqat institutlarının rəhbərləri, Dövlət Aqrar İnkişaf Mərkəzlərinin direktorları iştirak ediblər.

Müşavirədə çıxış edən kənd təsərrüfatı naziri İnam Kərimov qəbul olunan Dövlət Proqramının ölkə iqtisadiyyatının bütün sahələrində keyfiyyət dəyişikliyinə təkan verən strateji sənəd olduğunu deyib. Nazir bildirib ki, növbəti 5 ili əhatə edən Dövlət Proqramında indiyədək aqrar sahədə görülmüş işlərin davam etdirilməsi nəzərdə tutulur. Proqramda həyata keçirilən siyasətin əsas nəticələri, məqsəd, vəzifə  və icra istiqamətləri öz əksini tapıb. Azərbaycan Respublikasının Prezidenti cənab İlham Əliyevin Kənd Təsərrüfatı Nazirliyi qarşısında da böyük vəzifə və tapşırıqlar qoyduğunu xatırladan İnam Kərimov deyib ki, tabeli və yerli qurumlar Dövlət Proqramında əks olunan tapşırıqların icrasına hərtərəfli dəstək verməlidir.

Tədbirdə Kənd Təsərrüfatı Nazirliyinin bitkiçiliyin təşkili və monitorinqi şöbəsinin müdiri Rafail Quliyev, heyvandarlığın təşkili və monitorinqi şöbəsinin müdiri Asəf Ömərov, “Aqrolizinq” ASCnin sədri vəzifəsini icra edən Elmin Rəhmanov, Lənkəran Dövlət Aqrar İnkişaf Mərkəzinin direktoru Tofiq Rzayev, Zaqatala Dövlət Aqrar İnkişaf Mərkəzinin direktoru Xalis Mahalov çıxış edərək 2018-ci ildə görülmüş işlər, əldə olunan sosial-iqtisadi göstəricilər, Dövlət Proqramından irəli gələn vəzifələrin icrası barədə fikirlərini bölüşüblər.

Müşavirəyə yekun vuran nazir İnam Kərimov bildirib ki, nazirlik öz fəaliyyətində fermer və kəndlilərə yaxınlıq prinsipini əsas götürür və Dövlət Aqrar İnkişaf Mərkəzləri bu prinsipə əsaslanaraq fermerlərə hərtərəfli qayğı göstərməlidir. Bundan başqa DAİM-lər “Elektron kənd təsərrüfatı” informasiya sisteminin tətbiqinə hərtərəfli dəstək verməli, Aqrar Könüllülər Hərəkatına kömək etməlidir. Nazir “2019-2023-cü illərdə regionların sosial-iqtisadi inkişafı” Dövlət Proqramının Tədbirlər Proqramın Tədbirlər Planında ölkə əhəmiyyətli tədbirlərlə yanaşı hər bir şəhər və rayon üzrə konkret tədbirlər nəzərdə tutulur. DAİM-lər Dövlət Proqramını əldə rəhbər tutmalı və icrada aktiv iştirak etməli, konkret nəticələrə nail olmalıdırlar.  İnam Kərimov kənd təsərrüfatının aparıcı sahələrinin inkişaf etdirilməsi üçün görüləcək işlər barədə tapşırıqlar verib. O bildirib ki, bütün səylər və fəaliyyətlər məhsuldarlığın artırılmasına yönəldilməli, sahənin elmi əsaslarla inkişaf etdirilməsi təmin edilməli, müasir texnologiyalar və həllər daha geniş tətbiq olunmalıdır.

Qeyd edək ki, “2019-2023-cü illərdə regionların sosial-iqtisadi inkişafı” Dövlət Proqramından irəli gələn vəzifələrin icrasına həsr olunmuş müşavirə hər üç aydan bir keçiriləcək.

 

 

 

Xəbərlər
2019-11-19
Bu həftə 10 rayonda güzəştli şərtlərlə səyyar gübrə satışı keçiriləcək
ətraflı oxu
2019-11-18
İndiyədək güzəştli şərtlərlə səyyar gübrə satışından 5205 vətəndaş yararlanıb
ətraflı oxu
2019-11-07
Bu həftə 13 rayonda güzəştli şərtlərlə səyyar gübrə satışı keçiriləcək
ətraflı oxu
2019-11-04
İndiyədək güzəştli şərtlərlə səyyar gübrə satışından 4400 vətəndaş yararlanıb
ətraflı oxu
Copyright 2010 AGROLIZING! Bütün hüquqlar qorunur. Sayt Lider veb studiyası tərəfindən hazırlanmışdır счетчик посещений