AZE | ENG
e-Aqrolizinq Güzəşt üçün ərizə vermək
Naviqasiya Menyusu


“AQROLİZİNQ” ASC-NİN İDARƏ HEYƏTİNİN SƏDRI: TAXIL BİÇİNİNDƏ NÖVBƏLİLİK PRİNSİPİNƏ ƏMƏL OLUNMALIDIR

“Əlverişsiz hava şəraiti nəticəsində taxıl biçinində gecikmələr yaranıb. Odur ki, ilk növbədə növbəlilik prinsipinə əməl olunmalıdır. Çətinliyin öhdəsindən gəlmək üçün biz bir-birimizi eşitməli, qarşılıqlı anlaşma şəraitində, mövcud imkanlar çərçivəsində taxıl biçinini vaxtında və itkisiz başa çatdırmalıyıq”.  Bu fikirləri iyunun 20-də “Aqrolizinq” ASC-nin İdarə Heyətinin sədri Seymur Mövlayev taxıl biçininin vaxtında, itkisiz və mütəşəkkil təşkili ilə bağlı fermer və sahibkarlarla Yevlaxda keçirilən görüşdə səsləndirib.

S.Mövlayev bildirib ki, hazırda respublikada taxıl biçinini həyata keçirən 2206 texnika var. Bunun 632-si “Aqrolizinq” ASC-yə, qalanı isə hüquqi və fiziki şəxslərə məxsusdur. “Aqrolizinq” ASC-nin əsas vəzifəsi həm texnikaları hüquqi və fiziki şəxslərə lizinqə vermək, həm də kiçik torpaq sahəsi olan fermerlərə və aztəminatlı ailələrə servis xidməti göstərməkdir. Odur ki, böyük torpaq sahibi olan taxıl istehsalçıları texnikanı lizinq yolu ilə əldə etsələr biçin mövsümündə çətinliklər yaranmaz.

Seymur Mövlayev görüşdə fermer və sahibkarlara taxılın becərilməsi zamanı aqrotexniki tədbirlərin vaxtında və düzgün həyata keçirilməsi, alaq otlarına qarşı mübarizə aparılması üçün herbisidlərdən istifadə edilməsi və kiçik torpaq sahələri olan fermerlərin korporasiyalarda birləşməsi ilə bağlı tövsiyələr verib. Qeyd edib ki, yüksək məhsuldarlıq əkin sahələrinin artırılması hesabına deyil, nümunəvi qulluq və aqrotexniki tələblərin vaxtında və keyfiyyətlə yerinə yetirilməsi hesabına əldə olunmalıdır. Bu sahədə maarifləndirmə və təşviqat işinin gücləndirilməsi də vacibdir.

Görüşdə fermer və sahibkarların biçinlə bağlı təklifləri dinlənilib, taxıl biçininin vaxtında və itkisiz həyata keçirilməsi ilə bağlı müzakirələr aparılıb, müvafiq tapşırıq və tövsiyələr verilib.

Fermer və sahibkarlar dövlət başçısının kənd təsərrüfatı istehsalçılarına göstərdiyi diqqət və qayğının, qəbul olunmuş dövlət proqramlarının, imzalanmış fərman və sərəncamların onlarda böyük ruh yüksəkliyi, inam və ümid yaratdığını vurğulayıblar.

“Aqrolizinq” ASC-nin İdarə Heyətinin sədri Seymur Mövlayev taxıl biçini ilə əlaqədar çağrı mərkəzinə daxil olmuş müraciətlər əsasında Sabirabad rayonunun Sərxanbəyli, İmişli rayonunun Bəhramtəpə və Qaragüvəndikli, Ağcabədi rayonunun Taynaq kənd və qəsəbələrində fermerlərlə görüşüb, onların fikir və təkliflərini dinləyib, səsləndirilən çətinliklər yerindəcə öz həllini tapıb.

Xəbərlər
2018-09-25
“AQROLİZİNQ”İN RƏHBƏR HEYƏTİ ŞƏKİDƏ VƏTƏNDAŞLARLA GÖRÜŞ KEÇİRİB
ətraflı oxu
2018-09-19
“AQROLİZİNQ” RƏHBƏRLİYİ ŞƏKİDƏ BÖLGƏNİN FERMER VƏ SAHİBKARLARI İLƏ GÖRÜŞ KEÇİRƏCƏK
ətraflı oxu
2018-09-10
“AQROLİZİNQ” ASC-NİN NÜMAYƏNDƏ HEYƏTİ SALYANDA FERMERLƏRLƏ GÖRÜŞÜB
ətraflı oxu
2018-09-05
“AQROLİZİNQ” ASC PAMBIQ SAHƏLƏRİNƏ GÜBRƏ SƏPƏCƏK TRAKTORÇULARA TƏHLÜKƏSİZLİK GEYİMLƏRİ PAYLAYIB
ətraflı oxu
Copyright 2010 AGROLIZING! Bütün hüquqlar qorunur. Sayt Lider veb studiyası tərəfindən hazırlanmışdır счетчик посещений